Vi har lansert lokal chathistorikk i Skolebot. Dei siste samtalane dine blir lagra på eininga di i opptil 30 dagar, slik at du kan ta opp tråden seinare utan å starte på nytt.
Personvern
Den lokale kopien blir ikkje overført til oss og blir verken lagra på tenarane våre eller hos underdatabehandlarar. Sidan vi aldri tek imot desse dataa, kan vi ikkje få tilgang til dei, eksportere dei eller gi deg ein kopi. Vil du fjerne kopien, gjer du det på eininga di.
Slik fungerer det
Historikken blir lagra i den lokale lagringa i nettlesaren. Ho er knytt til nettlesarprofilen som er i bruk. Dersom ein annan brukar loggar inn med same nettlesarprofil, blir den førre lokale historikken for profilen sletta.
Delte einingar
For å ta vare på personvernet på delte einingar bør du bruke din eigen nettlesarprofil og logge ut når du er ferdig. Dersom du ikkje vil at ein kopi skal bli liggjande att etter ei økt, kan du bruke eit privat- eller inkognitovindauge.
For skular og kommunar
Denne funksjonen endrar ikkje korleis vi behandlar personopplysningar eller lista over underdatabehandlarar. Dersom de fører interne protokollar, kan de notere at produktet kan ta vare på ein lokal kopi på eininga av nylege samtalar i opptil 30 dagar, og at kopien aldri forlèt eininga til brukaren. Administratorar kan styre eller tømme lokal lagring med vanlege nettlesarpolicyar.
Slik slettar du lokal historikk
Bruk funksjonen «Slett historikk» i tenesta, eller tøm nettstaddata i nettlesarinnstillingane.